गण्डकीका मुख्यमन्त्रीको सम्पक्ति ; १५ लाख नगद, ३ तोला सुनसहित काठमाण्डौंमा घडेरी खरिद

गण्डकी प्रदेशका मुख्यमन्त्री खगराज अधिकारी सम्पत्ति विवरण सार्वजनिक गरेका छन ।

उनले आफ्नो मुख्यमन्त्री पद जान २४ घण्टा बाँकी रहँदा मात्र गण्डकी प्रदेशको मन्त्रिपरिषद् कार्यालयको वेवसाइट मार्फत सम्पक्ति सार्वजनिक गरेका हुन ।

कानुन अनुसार पदबहाली गरेको ६० दिन भित्र सम्पत्ति विवरण बुझाउनु पर्ने भएपनि प्रदेशका मुख्यमन्त्रीसहितका सात जना मन्त्रीहरुले दुइ महिना कट्दा समेत सम्पत्ति विवरण सार्वजनिक गरेका थिएनन् ।

मंसिरमा निर्वाचन सम्पन्न भएपनि पुस २५ गते गण्डकीमा माओवादी र राप्रपाको समर्थनमा एमालेका खगराज अधिकारी मुख्यमन्त्रीमा नियुक्त भएका थिए । सोही दिन मुख्यमन्त्रीमा नियुक्त भएलगत्तै अधिकारी सहित तिन सदस्य मन्त्री परिषद गठन भएको थियो ।

प्रदेशमा यस अघि पृथ्बी सुब्बा गुरुङ र कृष्णचन्द्र पोखरेल नेतृत्वका सरकारका पालामा मुख्यमन्त्री र मन्त्रीहरुले वेबसाइटमार्फत् सम्पत्ति विवरण सार्वजनिक गरेका थिए ।

कानूनत सार्वजनिक पद धारणा गरेका व्यक्तिले ६० दिनभित्र परिवारसहितको नाममा रहेको सम्पत्ति विवरण बुझाउनुपर्ने उल्लेख छ । भ्रष्टाचार निवारण ऐन ०५९ को दफा ५० र अख्तियार दुरूपयोग अनुसन्धान आयोग ऐन, २०४८ को दफा ३१ मा पनि सार्वजनिक पद धारण गरेको व्यक्तिले पद धारण गरेको मितिले ६० दिनभित्र सम्पत्ति विवरण बुझाउनु पर्ने ब्यवस्था छ ।

त्यस्तै ६० दिन भित्र सम्पत्ति विवरण बुझाइ सकेपछि पनि प्रत्यक आर्थिक वर्ष समाप्त भएको मितिले ६० दिनभित्र पनि आफ्नो परिवार सहितको नाममा रहेको सम्पत्ति विवरण पेस गर्नुपर्ने व्यवस्था छ ।

केन्द्रमा सत्ता समिकरण बदलिएसंगै अधिकारीलाइ मुख्यमन्त्रीमा समर्थन गरेको माओवादी केन्द्र सरकारबाट बाहिरिएर समर्थन फिर्ता लिएको भोली शनिबार एक महिना अर्थात विश्वासको मत लिने एक दिन अगाडीमात्र सम्पक्ति सार्बजनिक गरेका हुन ।

मुख्यमन्त्री अधिकारीले सार्वजनिक गरेको विवरणमा नगद १५ लाख र ३ तोला सुन देखिन्छ । उनकै नाममा पोखरा महानगरपालिका वडा नम्बर ३१ मा अंशवण्डाबाट प्राप्त भएको जग्गाा र विभिन्न सहकारी तथा वैंकमा १० लाख बचत रहेको उल्लेख गरेका छन् ।

पोखरा महानगरपालिका वडा नम्बर १२ मा ६ आना क्षेत्रफल भएको एउटा घर र गण्डकी विकास बैंकमा २४५७ कित्ता शेयर आफ्नो नाममा रहेको मुख्यमन्त्री अधिकारीले देखाएका छन् ।

उनले विभिन्न व्यक्तिबाट लिएको १५ लाख ऋण तिर्न बाँकी रहँदा गत वर्ष एउटा ५० लाखको स्कार्पियो खरिद गएको देखाएका छन् ।

खेतबारीबाट वार्षिक आम्दानी ६ लाख हुने देखाएका अधिकारीले श्रीमती रमा पाण्डेको नाममा कृषि फर्ममा साढे १६ लाख र चितवनको एक रिर्साेटमा २० लाख रहेको लगानी गरेको उल्लेख गरेका छन ।

उनले गत वर्ष प्रभु बैंकबाट ८० लाख ऋण लिएर काठमाडौं चन्द्रागिरीमा श्रीमतिको नाममा जग्गा किनेको उल्लेख गरेका छन् ।