एसइई दिएर बसेका विद्यार्थीलाई नि:शुल्क तालिम

पोखरा महानगरपालिका–१३ ले एसइई दिएर बसेका विद्यार्थीलाई लक्षित गर्दै निशुल्क तालिम सुरु गरेको छ ।

सूचना प्रविधिको युगमा कम्प्युटर शिक्षा अनिवार्य भएकाले तालिम दिएर आत्मनिर्भर बनाउन कम्प्युटर तालिम आयोजना गरेको वडाध्यक्ष किरण बरालले बताए ।

‘एसइई दिएर घरमा बसिरहेका उनीहरुलाई सीप सिकाएर व्यस्त बनाउने सोचले तालिम आयोजना गरेको उनको भनाइ छ ।

आधारभूत कम्प्युटरसँगै व्यक्तिगत क्षमता अभिवृद्धि र सामाजिक सञ्जाल व्यवस्थापनबारे समेत विद्यार्थीलाई सिकाइने उनले जानकारी दिए ।

विद्यार्थीहरुको रुचि र क्षमता अनुसार २ सय जना विद्यार्थीलाई २० दिने तालिम प्रदान गरिनेछ ।

उद्घाटनमा बोल्दै पोखरा महानगरपालिकाका प्रवक्ता मोति तिमिल्सिनाले विद्यार्थीहरुका लागि कम्प्युटर शिक्षा जीवन उपयोगी हुने बताए ।