व्यवसायी कँडेल मृत्यु प्रकरण : आत्महत्या दुरुस्साहनमा किटानी जाहेरी परेका एक जना पक्राउ

व्यवसायी शंकर कँडेलको आत्महत्या प्रकरणमा जोडिएका एक जनालाइ प्रहरीले पक्राउ गरेको छ ।

कँडेलले आत्महत्या गरेपछि उनले लेखेको सुसाइट नोटमा २ जनाका कारण आत्महत्या गरेको उल्लेख गरेका आधारमा परिवारले आत्महत्या दुरुस्साहनमा किटानी जाहेरी दिएका मध्ये एक जनालाई प्रहरीले पक्राउ गरेको हो ।

पक्राउ पर्नेमा अनमोल फिड्सका चार्टर एकाउन्टेट जीवन रावल रहेका छन् । भरतपुर महानगरपालिका–८ का ३७ वर्षीय रावललाई बाराको सिमाराबाट गए राति प्रहरीले पक्राउ गरेको हो ।

रातिनै उनलाई चितवन ल्याइएको छ । आजैदेखि अनुसन्धानको प्रक्रिया अघि बढाउने प्रहरीले जनाएको छ ।

कँडेलले आत्महत्या अघि लेखेको ‘सुसाइट नोट’मा रावल र सोही कम्पनीको ८५ प्रतिशत शेयर किनेका प्रदीप रुङ्गटाका कारण आफूले आत्महत्या गर्नुपरेको उल्लेख गरेका छन् ।

रुङ्गटा पक्राउका लागि खोजी कार्य भइरहेको प्रहरीले जनाएको छ ।