स्वीमिङ पुलमा डुबेर १ जनाको मृत्यु

बैंक्वेटको स्वीमिङ पुलमा डुबेर एक जनाको मृत्यु भएको छ ।

काठमाडौंको कागेश्वरी मनोहरा नगरपालिका–७ को शुभश्री बैंक्वेटको स्वीमिङ पुलमा डुबेर एक जनाको मृत्यु भएको प्रहरी जनाएको छ ।

पौडी खेल्ने क्रममा शनिबार साढे ३ बजे डुबेर मूलपानीका १९ वर्षीय प्रभास अधिकारी गम्भीर घाइते भएका थिए । तत्काल उद्दार गरेर उपचारका लागि मदरल्याण्ड अस्पतालमा लगिएकामा थप उपचारका लागि सिभिल अस्पताल रिफर गरिएको थियो ।

बानेश्वरस्थित सिभिल अस्पतालमा उपचारका क्रममा उनको मृत्यु भएको हो । उनको उपचारका लागि सँगै गएका दोलखा घर भइ मुलपानी बस्ने १९ वर्षीय सुरेन्द्र दाहाल पनि अस्पतालमा बेहोस भएका थिए ।

उनको उपचार भइरहेको छ ।