साउदीमा बन्दुक आक्रमणमा ज्यान गुमाएका नैनसिंहको बागलुङ घर भएको पुष्टि

साउदी अरबमा बन्दुक आक्रमणमा ज्यान गुमाएका नेपाली सुरक्षागार्डको पहिचान खुलेको छ।

बुधवार जेद्दास्थित अमेरिकी वाणिज्य दूतावासको भवनबाहिर गोली हानाहान हुँदा ५९ वर्षका नैनसिंह नेपालीको मृत्यु भएको हो।

जन्मस्थान बागलुङ रहेका नेपाली हाल रुपन्देहीको तिलोत्तमा बस्दै आएको खुलेको छ ।

उनको परिवारलाई घटनाबारे जानकारी गराइसकिएको साउदी अरबस्थित नेपाली दूतावासले जानकारी दिएको छ।