कलेज बसको ठक्करबाट पैदलयात्रीको मृत्यु

कलेज बसको ठक्करबाट विराटनगरमा एक जनाको मृत्यु भएको छ ।

विराटनगरमा रहेको नेशनल एकेडेमी कलेजको बसले ठक्करबाट रंगेली नगरपालिका– १ का ६२ वर्षीय गणेश श्रेष्ठको मृत्यु भएको हो /

सोमबार विराटनगर १३ स्थित मुख्यमन्त्री निवास अगाडिको भित्री सडक खण्डमा विद्यार्थी पुर्‍याएर फर्कने क्रममा कलेज बसले ठक्कर दिएको थियो ।

ग १ ख ७६९९ नम्बरको बसले ठक्कर दिदा गम्भीर घाइते भएका उनको उपचारका क्रममा मृत्यु भएको मोरङका प्रहरीले जानकारी दिएको छ।

ठक्कर दिने बस र चालक दलबहादुर कार्कीलाई पक्राउ गरेर अनुसन्धान अगाडी बढाएको प्रहरी भनाइ छ ।