पोखरामा सुन चोरेको आरोपमा मोवाइल पसलेसहित दुईजना पक्राउ

पोखरामा सुन चोरेको आरोपमा एकजना मोवाइल पसलेसहित दुईजनालाई पक्राउ गरेको छ ।

पोखरा १२ मा रहेको पशु सेवा तालिम केन्द्रको कार्यालय परिसरको आवास कोठाबाट अन्दाजी १६ तोला बराबरका सुनका बिभिन्न गरगहना चोरी गरेको आरोपमा पर्सागढी –२ घर भई हाल पोखरा- १२ बस्ने २२ बर्षकी शिवदेवी चौधरी र उनले चेरेको गहना लुकाएर राखिदिने पोखरा-१० बुद्धचोकमा रहेको एक मोवाईल पसल सञ्चालकलाई कास्की प्रहरीले पक्राउ गरेको हो ।

जिल्ला प्रहरी कार्यालय कास्कीले चौधरीले राख्न दिएको भनिएको मोवाइल पसलमा खानतलासी गर्दा चोरी भएका १६ तोला बराबरका बिभिन्न सुनका गरगहनाहरु बरामद भएको जनाएको छ ।

पक्राउ परेका दुइजनालाई कास्की जिल्ला अदालतबाट चोरी तथा डाँका सम्बन्धी कसूरमा ६ दिन म्याद थप गरी अनुसन्धान प्रकृया अगाडी बढाइएको जिल्ला प्रहरी कार्यालय कास्कीका प्रवक्ता प्रहरी नायव उपरीक्षक श्रवणकुमार विकले जानकारी दिए ।

गहना चोरी भएको उजुरीका आधारमा खटिएको प्रहरी टोलीले उनीहरुलाई पक्राउ गरेको थियो ।