पोखरामा फेसबुक आइडी मार्फत ब्ल्याकमेल गरेको आरोपमा १ युवक पक्राउ

पोखरामा फेसबुक आइडीमार्फत ब्ल्याकमेल गरेको आरोपमा प्रहरीले १ युवकलाई पक्राउ गरेको छ ।

किशोरीको तस्बिर र भिडियो उनका आफन्तलाई पठाइदिने भन्दै ब्ल्याकमेल गरेको आरोपमा प्रहरीले पोखरा महानगरपालिका २७ का १६ वर्षीय युवकलाई पक्राउ गरेको छ ।

युवकले पोखरा महानगरपालिका २७ कै एउटै स्कुलमा अध्ययन गर्ने युवतीलाई नक्कली फेसबुक आईडी बनाएर ति युवतीको फोटो र भिडियोलाई अश्लील बनाएर सामाजिक संजालमा पोष्ट गरिदिने र आफन्तलाई पठाइदिने भन्दै धम्की दिएको प्रहरीले जनाएको छ ।

प्रहरीले युवकको साथबाट २ थान मोबालसमेत बरामद गरेको छ ।

पक्राउ परेका युवकलाई विद्युतिय कारोबार ऐन कसूर अन्तर्गत साईबर अपराध) मुद्दामा जिल्ला अदालतबाट दिन ५ म्याद थप थप अनुसन्धान थालिएको डीएसपी श्रवणकुमार विकले जानकारी दिए ।