पृथ्वी राजमार्ग बसको टिकट यात्रुले अनलाइनबाट काट्न सक्ने

पृथ्वी राजमार्ग बस सञ्चालक कम्पनी प्रालिले डिजिटल सेवा सञ्चालन गदैै अनलाइनबाट टिकट काट्ने मिल्ने व्यवस्था मिलाएको छ ।

प्रविधिको तिब्र प्रयोगलाई आत्मसाथ गर्दै यातायातको क्षेत्रमा प्रविधिको प्रयोग गरेको पृथ्वीराजमार्ग बस सञ्चालक कम्पनीका अध्यक्ष योगेन्द्रबहादुर केसीले बताए ।

पछिल्लो समय प्रविधिको प्रयोग तिब्र रूपमा बढिरहेको अवस्थामा यातायात क्षेत्रमा पनि प्रविधिको प्रयोग गरेर यात्रुलाई सहज र स्तरिय सेवादिनको लागि पृथ्वी यातायात पनि पूर्ण अटोमेशनमा गएको हो ।

अटोमेशनमा गएसँगै अब पृथ्वी यातायातका सवारी साधनबाट कुनै पनि स्थानमा यात्रा गर्न अनलाइनबाट टिकट काट्न सकिनेछ ।

पूर्ण रूपमा कम्प्युटराइज प्रणालीमा रूपान्तरण गरिएसँगै अबदेखि संस्थाको कार्यलय सञ्चालन, चलानी, अभिलेखनलगायतका सबै कार्यहरू सफ्टवेयरमार्फत नियन्त्रण हुनेछन् ।

कम्पनीले नेपालको एकमात्र टिकटिङ्ग सेवाप्रदानगर्दै आएको बससेवा डटकमसँगको सहकार्यमा संस्थालाई पूर्ण अटोमेशनमा लगेको हो ।

अध्यक्ष केसीले अबदेखि यात्रुहरूले पृथ्वी यातायातका एसी, डिलक्स्, हायसलगायका सबै किसिमका गाडीको टिकट अनलाईनमार्फत् काट्न सकिने बताए ।

यात्रुहरूले पृथ्वी यातायातको पृथ्वी बस डटकम डट एनपी, पृथ्वी यातायातको मोबाईल एप्लीकेशन तथा बससेवा डटकम, बससेवाको मोबाईल एप्लीकेशनमार्फत् सहजै टिकट काट्न सक्नेछन् ।

पृथ्वी राजमार्ग बस सञ्चालक कम्पनीले देशका ४१० बढी रुटमा सेवा दिन्छ । नेपालका प्रमुख ३० बढी शहरबाट १ हजार ३५० बसमार्फत सेवा दिइरहेको अध्यक्ष केसीले जानकारी दिए ।

अनलाइनमार्फत टिकट काटेका यात्रुले इसेवासँगै मोबाइल बैकिङमार्फत शुल्क तिर्न सक्ने बस सेवाका प्रमुख पिआर खनालले बताए ।

दैनिक ८ हजार यात्रुले अनलाइनमार्फत टिकट काट्न सक्ने उनको भनाइ छ ।