पोखराको गुप्तेश्वर क्याम्पसमा अनुसन्धान मुलक अन्तराष्ट्रिय सम्मेलन हुने

पोखरा छोरेपाटनमा रहेको गुप्तेश्वर महादेव बहुमुखी क्याम्पसमा अनुसन्धान मुलक अन्तराष्ट्रिय सम्मेलन हुने भएको छ ।

गुप्तेश्वर महादेव बहुमुखी क्याम्पसको आयोजनामा हुने सम्मेलन यही असार २१ र २२ सो सम्मेलन सञ्चालन हुने भएको हो ।

‘दिगो व्यापार र व्यवस्थापन’ विषयमा हुने सम्मेलनमा स्वदेशी तथा विभिन्न विदेशी विश्वविद्यालयका प्रतिनिधिहरूको उपस्थिति रहने गुप्तेश्वर क्याम्पसका प्रमुख धर्मराज बरालले बताए ।

विश्वविद्यालय अनुदान आयोगको आर्थिक सहयोगमा हुने कार्यक्रममा आदिकवी भानुभक्त क्याम्पस, तनहुँ र सिनावत्र विश्वविद्यालय, थाइल्याण्डको सहकार्य रहने छ ।

दिगो व्यापार र व्यवस्थापन क्षेत्रका समस्या पहिचान गरी समाधानका उपायहरु खोजि गर्नु नै कार्यक्रमको मुख्य उद्देश्य रहेको क्याम्पसका प्रमुख बरालले बताए ।

सम्मेलनमा विभिन्न देशका विश्वविद्यालयका प्रतिनिधिहरु सहभागितामा व्यवस्थापनका विद्यमान परिस्थितिको उजागार गरी दिगो व्यवस्थापनका पक्षमा छलफल गरिने बरालले बताए ।

कार्यक्रम विश्वविद्यालय अनुदान आयोगका अध्यक्ष प्रा.डा. देवराज अधिकारीको प्रमुख आतिथ्यतामा हुने कार्यक्रममा पूर्व गर्भनर तथा राष्ट्रिय योजना आयोगका पूर्व अध्यक्ष दिपेन्द्रबहादुर क्षत्री, नबिल बैंक, माइक्रो फाइनान्सका प्रमुख अमित श्रेष्ठ, उद्योग बाणिज्य संघका पूर्व अध्यक्ष आनन्दराज मुल्मी लगायतको सहभागिता रहने छ ।

कार्यक्रमा सहजकर्ताको भूमिका पोखरा विश्वविद्यालयका सह–प्राध्यापक डा. सुर्यबहादुर जि.सीले गर्ने छन ।

कार्यक्रममा प्रमुख वक्ताका रुपमा सिनावत्रा विश्वविद्यालय, व्यवस्थापन सङ्काय थाइल्याडका डिन प्रा. सरना फोट्नाचन र ए.के. मभुबुल ह्ये एवम् पोखरा विश्वविद्यालयका प्रा.डा. इन्द्रप्रसाद तिवारी रहने छन ।

कार्यक्रममा स्वदेशी तथा विदेसी विश्वविद्यालयबाट ६५ वटा अनुसन्धानात्मक लेखहरू प्रस्तुत गरी छलफल गरिने कार्यक्रम संयोजक मोहन भण्डारीले बताए ।