गोरखामा प्याराग्लाइडिङ सञ्चालन हुने

शुभेच्छा न्यूज

पोखरा । गोरखा सदरमुकाममा तीन महिनाभित्र व्यबसायिक प्यारा ग्लाइडिङ सञ्चालन हुने भएको छ । रोट्रयाक्ट क्लव अफ गोरखाले गोरखा नगरपालिकासँग साझेदारी गरी व्यबसायिक प्याराग्लाइडिङ सञ्चालनमा ल्याउने भएको हो ।
गत बिहिबारदेखि शतिपिपल डाँडाबाट गरेको प्याराग्लाइडिङ उडान परिक्षण सफल भएपछि क्लवले पत्रकार सम्मेलन गरी आगामी तीन महिनाभित्रै व्यबसायिक प्याराग्लाइडिङ सुरु गर्ने जानकारी दिएको हो । प्याराग्लाइडिङको सम्भाव्यता परिक्षणका लागि चार दिनसम्म दैनिक चार उडान गरीएपछि गोरखामा प्यारा ग्लाइडिङको ब्यबसाय सञ्चालन गर्न सकिने पुष्टि भएको रोट्रयाक्ट क्लव अफ गोरखाका अध्यक्ष बुद्धि जोगीले बताए ।

‘प्याराग्लाइडिङको सम्भाव्यता परिक्षण सफल भएको छ’ उनले भने ‘हामीले अबको केही महिनाभित्रै यसलाई ब्यब सायिक रुपमा सञ्चालन गर्छैँ । प्याराग्लाइडिङका लागि ल्याण्डीङ्ग र उडन भर्ने ठाउँमा आवश्यक पूर्वधार बिकास गर्न केही समय लाग्छ । काम सम्पन्न हुने बित्तिकै गोरखाको आकाशमा निरन्तर प्याराग्लाइडिङ सुरु हुन्छ ।’ गोरखा नगरपालिका पर्यटन बिकास तथा प्रबद्र्धनलाई मुख्य प्राथामिकता दिएर अघि बढिरहेको जनाएको छ ।