कास्की प्रहरीको निशानामा स्वरुप परिवर्तन गर्ने र अस्थाइ नम्बर प्लेटका सवारी

शुभेच्छा न्यूज

पोखरा, ५ असार /कास्की प्रहरीले स्वरुप परिवर्तन र अस्थाइ नम्बर प्लेटमा हिड्ने सवारीलाई विशेष निगरानीका साथ कडा कारबाही गर्ने भएको छ ।

स्वरुप परिवर्तन गरी  चर्को आवाजमा सवारी चलाउने र अस्थाइ नम्बर प्लेट राखीे सवारी चलाउदा दुर्घटना हुन सक्ने भन्दै जनताले कास्की प्रहरी प्रमुख ओम बहादुर रानालाई गुनासो गरेपछि कास्की प्रहरीले मोडिफाइ गर्ने र अस्थाइ नम्बर प्लेटमा हिडेने सवारीलाई कडा कारबाही गर्ने भएको हो ।

पोखरामा मोडिफाई गरिएका र स्वरुमबाट नया सवारी साधन निकालेर अस्थाइ नम्बर प्लेटमा सवारीको संख्या वढेको र तिनीहरुका कारण दुर्घटना भएमा पत्ता लगाउन गाह्रो हुने भएकाले त्यस्ता स्वरुमहरु जसले बिलबुक नभइकन अस्थाइ नम्बर प्लेट राखेर ग्राहकलाई दिन्छन त्यसलाई पनि कारबाही गरिने कास्की प्रहरी प्रमुख ओम रानाले वताए ।

कास्की प्रहरी प्रमुख रानाको नेतृत्वमा सोमबार सिद्धार्थ राजमार्ग सडक खण्डमा चेकजांच गर्ने क्रममा ३९ वटा सवारी साधन कारबाहीमा परेका छन । जसमा कागज पत्र नभएको ट्रक एक, स्वरुमको कागजको भरमा चलाइएको मोटरसाइकल एक र मोडिफाइ गरिएको मोटरसाइकल एक रहेका छन .

सवारी चालक अनुपति पत्र नभएको मोटरसाइकल ९ रहेका छन । त्यसैगरी विभिन्न सवारी चालकका १० वटा सवारी चालक अनुमति पत्र , १५ वटा सवारी दर्ता किताब र ३ वटा सवारीको सवारी इजाजत पत्र कारबाहीका लागी जिल्ला ट्राफिक प्रहरी कार्यालय कास्कीमा लगिएको छ ।