बिग एफएमको ‘प्रोग्राम चिफ’मा तिवारी

शुभेच्छा न्यूज
पोखरा । पोखरामा रहेको बिग एफएम १०१.२ को ‘प्रोग्राम चिफ’मा शंकर तिवारी नियुक्त भएका छन् । विगत ६ वर्ष देखि एफएमको ‘प्रोडक्शन हेड’ का रुपमा कार्यरत तिवारीलाई पोखरा ब्रोडकास्टिङ मिडिया प्रा.लि.ले तत्काल लागू हुने गरी बुधबार सो पदमा नियुक्त गरेको हो ।
तिवारी १२ वर्ष देखि सञ्चार क्षेत्रमा निरन्तर कार्यरत रहेका छन्। उनीसंग पोखराको हिमचुली एफएम, बाराही एफएम, माछापुच्छ्रे एफएम र सुनौलो एफएममा काम गरेको अनुभव छ ।
कार्यक्रम प्रमुखको जिम्मेवारी पाएपछि तिवारीले रेडियोको शाखलाई जोगाउँदै समयसापेक्ष कार्यक्रम प्रसारणमा आफ्नो जोड रहने बताए । ‘युवा केन्द्रित रहेर एफएमले कार्यक्रम सञ्चालन गर्दै जाने उनले बताए।
प्रोग्राम चिफ् तिवारीले समाजका आफ्नो क्षेत्रमा विज्ञता हासिल गरेका रेडियोमैत्री व्यक्तित्व खोजी गर्दै रेडियोसँग सहकार्य गर्ने, श्रोताको सुझाव सल्लाहलाई सर्वोपरी ठान्दै सहकर्मीको साथमा अघि बढ्ने प्रतिबद्धता जनाए ।
एफएमका अध्यक्ष महेश भण्डारीले युवा जोशका साथ नवनियुक्त प्रोग्राम चिफले आफ्नो जिम्मेवारी पूरा गर्नेमा आफू विश्वस्त रहेको बताए । बिग आइकनलाई सफलतापूर्वक सम्पन्न गर्न तिवारीको भूमिका महत्वपूर्ण रहेको जनाउँदै भण्डारीले नयाँ भूमिकामा तिवारीको नियुक्तिले थप उर्जा मिलेको बताए ।