केही घण्टा धित्र पोखराबाट लेखनाथ हटाइदै

पोखरा ११ असार । पोखरा लेखनाथ महानगरपालिकाको नामबाट लेखनाथ हटाएर पोखरा मात्रै राख्नका लागि नगरसभामा प्रस्ताव पेश गरिएको छ । महानगरको तेश्रो नगरसभामा एमालेतर्फका सचेतक तथा पोखरा १९ का अध्यक्ष शोभामोहन पौडेलले नाम परिमार्जनको प्रस्ताव पेश गरेका हुन् ।नगरसभाले केही घण्टा धित्र पोखराबाट लेखनाथ हटाइयोस भनी राखिएको प्रस्तावमा बहुमतले पारित गर्ने छ।

पौडेलको प्रस्तावलाई काँग्रेस सचेतक तथा पोखरा ९ का अध्यक्ष रामराज लामिछानेले समर्थन गरेका छन् । महानगरपालिकाको नाम लामो भएको र छोटो, छरितो बनाउनका लागि जनस्तरबाटै आवाज उठिरहेका बेला नाम परिमार्जनको प्रस्ताव पेश भएको हो ।

नगरसभाका बहुमत वडाध्यक्ष र सदस्यहरुले पोखरा लेखनाथबाट लेखनाथ हटाएर पोखरा महानगरपालिका नामाकरण गर्नका लागि समर्थन जनाएकाले नाम परिमार्जन हुने निश्चित छ । साविकको लेखनाथ नगरपालिकामा पर्ने २६ देखि ३३ सम्मका वडाध्यक्ष समेत नाम लेखनाथमात्रै राख्न सहमत छन् । नगर सभाको बहुमतबाट नामको टुंगो लगाइने मेयर मानबहादुर जिसीले बताए ।