पोखरामा मिटरमा चल्न नमान्ने २२ ट्याक्सी नियन्त्रणमा

शुभेच्छा न्यूज
पोखरा । पोखरामा मिटरमा जान नमान्ने २२ वटा ट्याक्सीलाई जिल्ला प्रहरी कार्यलय कास्कीले नियन्त्रणमा लिएको छ ।पोखरा महानगरपालिका क्षेत्र भित्रका बिभिन्न स्थानहरुमा मिटरमा जान नमानि बार्गे्निङ गर्दै सर्बसाधारण संग बढी भाडा लिने २२ वटा ट्याक्सीलाई नियन्त्रणमा लिइएको जिल्ला प्रहरी कार्यालय कास्कीका प्रहरी प्रवक्ता डिएसपी रबिन्द्रमान गुरुङले जानकारी दिए ।

सोमबार प्रहरीले पोखराका विभिन्न स्थनबाट अनुगमनको क्रममा मिटरमा नचलि बार्गे्निङकै भरमा सर्बसाधारण संग बढी भाडा लिएको भेटिएपछी ट्याक्सी नियन्त्रणमा लिएको हो। नियन्त्रणमा लिएका ट्याक्सीलाई जरिवाना सहित आबश्यक कारबाही गरिने डिएसपी गुरुङले बताए ।

तोकीएको स्थानमा मिटरमा जान नमान्ने र वार्गे्निङको भरमा मोटोरकम माग गरेमा प्रहरी कण्ट्रोल रुमको १००, ट्राफिक प्रहरी कण्ट्रोल रुमको १०३ अथवा ९८५६०३९५९९, ९८५६००५५५५ मा सम्पर्क गर्न प्रहरीले सर्बसाधारणलाई अनुरोध समेत गरेको छ ।