पोखराबाट काठमाडौ जादै गरेको हाइलक्स भण्डारढिकमा दुर्घटना

पोखरा /पोखरा  महानगरपालिकाको वडा नम्वर २९ भण्डारढिकमा एक निजि हाइलक्स  गाडी दुर्घटना हुँदा तीन जना घाईते भएका छन् । पोखराबाट काठमाण्डौं तर्फ जाँदै गरेको बा १५ च ६६५६ नम्वरको हाइलक्स दुर्घटना हुँदा चालक सहित तीन जना घाईते भएका हुन ।

घाईतहरुलाई उपचारका लागि पश्चिमाञ्चल क्षेत्रिय अस्पताल पोखरा लगिएको र उनिहरुको नाम खुल्न नसकेको प्रहरीले जानकारी दिएको छ ।

गाडी तिव्र गतिमा भएका कारण दुर्घटनामा परेको स्थानीयले जानकारी दिएका छन् । तिव्र गतिमा रहेको गाडी सडकबाट नाला पारगर्दै, घरको च्यानल गेटमा पुगेको थियो ।