बसको ठक्करबाट गम्भिर घाइते भएका पैदय यात्रुको फिस्टेल अस्पताको आइसियुमा उपचार हुदै, परिचय नखुल्दा उपचारमा समस्या

शुभेच्छा न्यूज
पोखरा । पोखराको पृथ्बिचोकस्थित चाइनापुलमा गत शनिवार साँझ बसको ठक्करबाट गम्भिर घाइते भएका पैदलयात्रुको पोखराको गैह्रापानमा रहेको फिष्टेल अस्पतामा अचेत अवस्थामै उपचार भैरहेकोछ।

प्रहरीका अनुसार उनको अझै होस् खुलेको छैन। घाइते भएका पैदलयात्रुको परिचय समेत नखुलेको प्रहरीले जनाएको छ।

शनिबार साँझ अम्मरसिंह चोबाट पुथ्बीचोक तर्फ आउदै गरेको पोखरा बस व्यबसायि समितिको ग १ ख ६९९२ को बसको ठक्करबाट गम्भिर घाइते भएका करिब ६० बर्षको जस्तो देखिने उनको फिष्टेल अस्पताको सधनउपचार कक्ष (आइसियु) मा उपचार भइरहेको छ।

उपचारमा संलग्न चिकित्सक बालगोपाल कर्मचार्यका अनुसार घाइतेको टाउकोमा गहिरो चोट लागेका छ। उनको परिचय र होस नखुलेपछि टाउकोमा जमेको रहत हटाउनको लागि अप्रेशन गर्ने तयारीमा चिकित्सक टोली जुटेको छ।

“बिरामीको टाउको (ब्रन) भित्र हेमोरेज (रगत बगेको) छ यसलाई तत्कालै हटाउन अप्रेसन आवस्यक हुन्छ डाक्टर कमचार्यले भने यस्तो अवस्थामा जमेको रगत टाउको ब्रेनबाट हटाईएन भने बढि जाखिम हुन्छ। त्यसैले जति सक्दो छिटो शल्यकृया गर्ने तयारीमा छौं ।”
घाइतेको परिचय नखुल्दा समस्यमा परेको बस ब्यवसायी समितिले जनाएको छ।

तस्विर गण्डक न्यूजबाट