केरला राज्यमा १०० वर्ष यताकै ठूलो बाढी, ३२४ को मृत्यु

भारतको केरला राज्यमा आएको बाढीका कारण कम्तिमा ३२४ जनाको मृत्यु भएको छ। बाढीका कारण सयौं मानिसहरु बाढीमा फसेका छन्। बाढीका कारण दुई लाख २३ हजार १३९ मानिस घरबारविहीन भएका छन्।

केरलामा पछिल्लो १०० वर्षकै सबैभन्दा ठूलो बाढी आएको अन्तर्राष्ट्रिय सञ्चारमाध्यमहरुले जनाएका छन्। अबिरल वर्षाका कारण केरलाका सबै क्षेत्र जलमग्न भएका छन्।  बाढीले केरलाको कासरडोगबाहेक सबै जिल्लामा क्षति पुर्‍याएको छ।

मौसम विभागले अझै केही दिन केरला राज्यमा मुलधारे पानी पर्ने जनाएको छ। केरलाका कोच्ची, त्रिवेन्द्रम, इडुक्की, पलक्कड र वायनाड जिल्लाको अवस्था बाढीका कारण नाजुक बनेको छ।

केरलका मुख्यमन्त्री पिनराई विजयनले उद्धार तथा राहतको काम भइरहेको बताएका छन्। केरला सरकारले बाढी पीडितका लागि सहयोगका लागि अपिल गरेको छ।