एसिया कप छनाेटमा नेपालको पहिलो जित : मलेसिया १९ रनले पराजित

काठमाडौं : एसियाली क्रिकेट काउन्सिल (एसीसी) एसिया कपको सुरुआती दुई खेलमा पराजित नेपाल तेस्रो खेलमा विजयी भएको छ। शनिबार आयोजक मलेसियालाई नेपालले १९ रनले पराजित गरेको हो। १८९ रनको चुनौती पाएको मलेसियाले ९ विकेटको क्षतिमा पूरै ३० ओभर खेल्दै १६९ रन मात्र बनायो।

नेपालको जितका लागि बसन्त रेग्मीले सर्वाधिक ३ विकेट लिए। सोमपाल कामी र सन्दीप लामिछानेले दुईदुई विकेट लिए भने सागर पुन र दीपेन्द्रसिंह ऐरीले एकएक विकेट लिए।

६ ओभर बलिङ गरेका सन्दीप लामिछानेले एक मेडन राख्दै २० रन दिएर मलेसियाको २ विकेट झारेका हुन्।