पोखराको लक्की मेनपावरका सञ्चालक गुरुङलार्इ कालोमोसो

शुभेच्छा न्यूज

पोखरा । अबैध धन्दा गर्दै आएको पोखराको लक्की म्यानपावरलाई बिप्लब नेतृत्वको योङ्ग रेड फोर्स नेपाल कास्कीले कालोमोसो दलेर कारबाही गरेको छ।

ठगी धन्दा गर्दै आएका लक्की म्यानपावरका सञ्चालक रस बहादुर गुरुङलाई बिप्लब नेतृत्वको नेकपाले कालो मोसो दलेर कारबाही गरेको हो ।अबैध मेनपावर माथी नेकपा र योङ्ग रेड फोर्सले संयुक्त रुपमा तालाबन्दी र कालोमोसो सहित मेनपावर खारेज गरेको छ।

योङ रेड फोर्स नेपाल, कास्कीको नाममा टाँसिएको पोस्टरमा तमाम खालको विकृति र विसंगति, दलालीकरणका विरुद्ध विना सम्झौता लड्ने कुरामा प्रतिबद्ध रहेको जनाइएको छ ।

योङ्ग रेड फोर्सले ५ बुँदे कारण सहितको नोटिस जारि गरि आइतबार गुरुङ माथि कालो मोसो दलेको हो । गुरुङले बिना इजाजत अबैध रुपमा म्यानपावर संचालन गर्दै दर्जनौ युवाहरुलाई बिदेशमा अलपत्र पारेको नोटिस पत्रमा उल्लेख छ ।सेक्युरिटी कम्पनीको नाममा म्यानपावर धन्दा समेत चलाएको बुझिएको छ ।

त्यसैगरि महिलाहरुलाई दिल्लीको बाटो हुँदै बेचबिखन गरेको गम्भीर आरोप समेत लगाएको छ । उक्त म्यानपावरबाट विदेश गएका र अलपत्र परेर फर्किएका युवाहरुको पैसा फिर्ता नगरी डर धम्कि दिएको समेत योङ्ग रेड फोर्स नेपालले पुष्टि गरेको छ ।अझै पनि नेकपाको कारबाहीलाई अटेरी गरे थप शसक्त कारबाही गर्ने चेतावनी समेत दिएको छ ।