नेकपाले तोक्यो प्रदेश अध्यक्ष र इन्चार्ज,गण्डकीमा पृथ्बिसुब्बा र हितराज

शुभेच्छा न्यूज

पोखरा । विवादित बन्दै आएको प्रदेशको जिम्मेवारी सम्बन्धमा नेपाल कम्युनिष्ट पार्टीले पदाधिकारीहरुको नाम टुंगो लगाएको छ।

नेकपाले सातवटै प्रदेशका अध्यक्ष र सचिव तथा इन्चार्ज र सह–इन्चार्ज तोकेको छ। नेकपाको सचिवालय बैठकले प्रदेश कमिटीको जिम्मेवारी बाँडफाँटको टुँगो लगाएको नेकपाका नेता जनाएका छन्।

दुई जना मुख्यमन्त्रीले पनि जिम्मेवारी पाएको छ भने तत्कालिन एमालेकै नेताहरुलाई बढी जिम्मेवारी दिइएको भन्दै माओवादी पर्टीका नेताहरु असन्तुष्टि रहेका छन्।

प्रदेश एकको इन्चार्जमा भीम आचार्य, अध्यक्षमा देवराज घिमिरे, सहइन्चार्जमा साबित्री काफ्ले र सचिवमा सुरेशबहादुर राई चयन भएका छन्।

यसैगरी प्रदेश २ को इन्चार्जमा सत्यनारायण मण्डल, अध्यक्षमा प्रभू साह, सहइन्चार्जमा विश्वनाथ साह र सचिवमा सुमनराज प्याकुरेल चयन भएका छन्।

प्रदेश तीनको इन्चार्जमा अष्टलक्ष्मी शाक्य, अध्यक्षमा हितमान शाक्य, सहइन्चार्जमा नारायण दाहाल र सचिवमा आनन्द पोख्रेल रहेका छन्।

गण्डकी प्रदेशको इन्चार्जमा पृथ्वीसुब्बा गुरुङ, अध्यक्षमा हितराज पाण्डे, सहइन्चार्जमा खगराज अधिकारी र सचिवमा गोविन्द नेपाली चयन भएका छन्।

प्रदेश ५ को इन्चार्ज शंकर पोख्रेल, अध्यक्षमा ओनसरी घर्ती, सहइन्चार्जमा दलबहादुर राना र सचिवमा जगप्रसाद शर्मा चयन भएका छन्।

कर्णाली प्रदेशको इन्चार्जमा जनार्दन शर्मा, अध्यक्षमा गोरखबहादुर बोगटी, सहइन्चार्जमा यमलाल कँडेल र सचिवमा मायाप्रसाद शर्मा चयन भएका छन्।

प्रदेश ७ को इन्चार्जमा भीम रावल, अध्यक्षमा कर्ण थापा, सहइन्चार्जमा लक्ष्मणदत्त जोशी र सचिवमा नेप चौधरी चयन भएका छन्।