तनहुँको मनहरीमा भएको दुर्घटनामा २ को मृत्यु ८ घाइते

शुभेच्छा न्यूज
तनहुँ । तनहुँको मनहरीमा भएको सडक दुर्घटनामा २ महिलाको मृत्यु भएको छ भने ८ जना घाइते भएका छन । तनहुँको म्याग्दे गाउँपालिका वडा नं ४ मनहरीमा पोखरा बाट दमौली तर्फ जाँदै गरेको बा३ ख ४४४२ नम्बरको माइक्रो हाइस र दमौली बाट पोखरा तर्फ आउंदै गरेको लु १ ख ४१९५ नम्बरको मिनी बस एकआपसमा ठक्कर खाँदा २ महिलाको मृत्यु भएको हो।

मृतकको नाम र ठेगाना खुल्न नसकेको जिल्ला प्रहरी कार्यालयका प्रहरी नायब उपरीक्षक श्यामु अर्यालले जानकारी दिए। दुर्घटनामा आठ जना घाइते भएका छन्। उनीहरूलाई उपचारका लागि पोखरास्थित मणिपाल शिक्षण अस्पताल लगिएको छ।