पोखराबाट यौन दुर्व्यबहार गर्ने डेण्टल ल्याव टेक्निसियन शाह पक्राउ

सुशान्त गाहा मगर
महिलालाई यौन दुर्व्यबहार गर्ने डेण्टल ल्याव टेक्निसियन सन्नी शाहलाई कास्की प्रहरीले पक्राउ गरेको छ ।पोखराको एक डेण्टलमा काम गर्ने महिलालाई यौन दुर्व्यबहार गरेपछि पिडितले दिएको उजुरीको आधारमा सर्लाही सुन्दरपुर गाउपालिका वडा नम्बर ४ घर भइ हाल पोखरा गणेशटोल बस्ने ३० वर्षिय सन्नी शाहलाई पक्राउ गरेको जिल्ला प्रहरी कार्यालय कास्कीका प्रवक्ता प्रहरी नायव उपरीक्षक रविन्द्रमान गुरुङले जानकारी दिए ।

सन्नीले विगत ६ महिनादेखी पिडित महिलालाई बाराम्बार यौन दुब्र्यवहार गर्न प्रयास गर्ने गरेको र पछिल्लो समय असोज १३ गते जवरजस्ती गर्न खोजेपछि पिडितले उजुरी दिएको र उजुरीको आधारमा शाहलाई पक्राउ गरेको हो ।

पक्राउ परेका शाहलाई सोमबार म्याद थप गरी मुलुकी अपराध संहिता २०७४ को दफा २२४ वमोजिम मुद्धामा आवश्यक अनुसन्धान अगाडी वढाइएको प्रहरी नायव उपरीक्षक रविन्द्रमान गुरुङले जानकारी दिए ।