कांग्रेस पार्टीभित्रको गुटलाई सिध्याई दिन्छु: देउवा

शुभेच्छा न्यूज
पोखरा। नेपाली कांग्रेसका सभापति तथा पुर्व प्रधानमन्त्री शेरबहादुर देउवाले पार्टी एकतामा जोड दिएका छन् । नेपाली कांग्रेस अछाम काठमाडौं सम्पर्क समितिले राजधानीमा आइतबार आयोजना दशै तिहारको शुभकामना आदान प्रदान कार्यक्रममा सभापति देउवाले पार्टी भित्रको गुट उपगुट लाइ हटाइ पार्टीलाई एक ढिक्का बनाएर अघि बढन आफु लागि परेको बताए ।

कार्यक्रममा कांग्रेस महामन्त्री शंशाक कोइरालाले कम्युनिष्ट नेतृत्वको सरकार भ्रष्टाचारमा लिप्त रहेको आरोप लगाए । लोकतान्त्रिक समाजवाद उत्कृष्ट विचार भएको उल्लेख गर्दै महामन्त्री कोइरालाले कम्युनिष्टको जनमतलाई दश प्रतिशतमा पुर्याउन सबैले एक भएर अघि बढनुपर्ने बताए ।

कार्यक्रममा युवा उद्योगी जनक धामी, प्राध्यापक भैरबबहादुर विष्ट लगायतका व्यक्तिहरुलाई समितिले सम्मान गरेको थियो ।