सामाजिक सञ्जालमा राष्ट्रपति भण्डारीले टिका लगाइदिएको तस्विर भाइरल बन्यो,दास्रो श्री ५ बन्नखोजेको सर्वसाधारणको आरोप

शुृभेच्छा न्यूज
पोखरा ।। संघीय गणतन्त्र नेपालकी राष्ट्रपति विद्यादेवी भण्डारीले बडादशैंको टीका लगाउने क्रममा खिचिएका तस्वीरहरु सामाजिक सञ्जालमा भाइरल भएका छन् । शुक्रबारदेखि सुरु भएको टीका लगाएका तस्वीहरुका विषयलाई लिएर राष्ट्रपति भण्डारीमाथि नेपालको ‘दोस्रो श्री ५ महाराज’ बन्न लालायित भएको भन्दै जनआक्रोश सामाजिक सञ्जालभर पोखिएको छ ।

राष्ट्रपति भण्डारीमाथि हजारौंले हजारौं तरिका नकारात्मक आचोचना गरिरहेका छन् । सर्वसाधारणदेखि विशिष्ठ ब्यक्तित्वहरुले राष्ट्रपतिसँग टीका ग्रहण गर्नेक्रममा घुँडा टेकाइएका तस्वीरहरु भाइरल भएका हुन् । राष्ट्रपति भण्डारी कुर्सीमा बसेर टीका ग्रहण गर्न आउनेलाई घुँडा टेकाउँदै टीका लगाइएको तस्वीरका कारण राष्ट्रपतिको छविमै प्रश्नचिन्ह उठेको छ ।

वरिष्ठ पत्रकार किशोर नेपाल लेख्छन्,-‘घुँडा टेकेर टीका थाप्ने ‘प्रजा’ र घुँडा टेकाउने राष्ट्रपति । गणतन्त्रको नेपाली संस्करण । हावा, पानी, माटो सुहाउँदो । अरू के नै चाहियो र ?’ त्यस्तै युवा सञ्चारकर्मी रबि लामिछाने लेख्छन्, ‘रैती नै हुन रुचाउने चाकडीवाज र राजा-रानी नै हुन रुचाउने नव-महाराज-महारानीहरु जो घुँडा टेक्छन-टेकाउँछन्,गणतन्त्र नेपालमा पनि जनताको बाटो रोकेर सवारी चलाउँछन् । म चाहिँ अब कसैले सवारी भन्दै बाटो रोक्यो भने मरिगए पनि रोकिन्न।’

sorce >cpostnews