युवा नेता अधिकारीको लेक लागेर मृत्यु

शुृभेच्छा न्यूज सम्वाददाता

पोखरा । नेपाली काँग्रेस पोखरा ३३ का सह संयोजक तथा साविक लेखनाथ नगरपालिका १७ का सभापति सरोज अधिकारीको मृत्यु भएको छ । घुम्नलाई मनाङको तिलिचो पुगेका उनलाई लेक लागेको थियो । लेक लागेर उपचार गर्न मनिपाल शिक्षण अस्पताल लगिएकोमा उपचारकै क्रममा उनको मृत्यु भएको हो ।

तिलिचोमा लेक लागेपछि उनलाई हेलिकोप्टरबाट मनिपाल शिक्षण अस्पताल ल्याईएको थियो । अस्पताल ल्याउने वित्तिकै डाक्टरले मृत घोषणा गरेका हुन् ।

अधिकारी लेखनाथ उद्योग संघका सदस्य तथा सेती रिभर साइड रिसोर्टका सञ्चालक समेत हुन्। अधिकारी साथीहरुको साथमा मनाङको तिलिचो तालसम्म पुग्ने गरी गएका थिए ।

उनको पोखरा स्वास्थ्य विज्ञान प्रतिष्ठानमा शवको पोस्टमार्टम गरिएको छ ।