मेसिनले च्याप्दा कोरियामा कार्यरत नेपालीको मृत्यु

शुभेच्छा न्यूज संम्वाददाता

कोरिया । मेसिनले च्याप्दा कोरियामा कार्यरत एक नेपालीको मंगलबार मृत्यु भएको छ । पाँचथर जिल्ला फिदिम नगरपालिका साबिक चोकमागु स्थाई घर भएका राजेश तुम्बापो (लिम्बु)को मृत्युु भएको सियोल स्थित नेपाली दुतावासका श्रम कन्सुलर डिल्लीराम बास्तोलाले बताएका छन् ।

इपिएस मार्फत करिब २ बर्ष अघि कोरियामा गएका लिम्बु छाल्लाबोक्दो यांजी स्थित एक प्लास्टिक कम्पनीमा कार्यरत थिए । काम गरिरहेको बेला मेसिनले च्याप्दा लिम्बुको घटनास्थलमै मृत्यु भएको थियो ।

घटना बारे नेपालका आफन्तलाई जानकारी दिने तयारि भैरहेको कन्सुलर बास्तोलाले बताउनु भयो मृतक तुम्बापो भाइ । पनि कोरियामै कार्यरत छन् ।

त्यसैगरी थप विवरण लिन हामीले मृतकका सहकर्मी लाइ सम्पर्क गर्दा उनले बिहान काम सुरु हुनै लाग्दा यस्तो दुखत घटना घटेको बताएका छन् । घटनाको विवरण दिन आफु अहिले प्रहरी चौकीमासमेत पुगेको उनका सहकर्मीले बताएका छन् ।