प्रधानमन्त्रीको पुतला जलाउने नेबि संघका कार्यकर्ता पक्राउ

शुृभेच्छा न्यूज संम्वाददाता

पोखरा। प्रधानमन्त्री केपी शर्मा ओलीको पुतला दहन गर्ने क्रममा नेपाली कांग्रेसको विद्यार्थी संगठन नेवि संघका धनुषा सभापतिसहित ६ जनलाई प्रहरीले जनकपुरबाट पक्राउ गरेको छ।

जनकपुरस्थित रामानन्द चोकमा प्रधामन्त्री ओलीको पुतला दहन गर्ने क्रममा प्रहरीले नेवि संघ धनुषाका सभापति सुजित मिश्रसहित भरत साह, नवनित झा, सुनिल सुमन, घनश्याम झा र नवीन यादवलाई पक्राउ गरेको हो ।

काभ्रेस्थित दशरथ माविका नेवि संघ इकाई सभापति कृष्ण ढकालको रिहा गर्न माग गर्दै नेवि संघ धनुषाले सोमबार प्रधानमन्त्री ओलीको पुतला दहन गर्ने कार्यक्रम राखेको थियो । सामाजिक सञ्जाल फेसबुकमा प्रधानमन्त्रीको कार्टुन शेयर गरेको भन्द्र प्रहरीले ढकाललाई नियन्त्रणमा लिई मुद्दा चलाएको छ ।