पोखरामा दोस्रो भेट्रान बास्केटबल प्रतियोगिता हुदै

पोखरा । पोखरामा टिभिएस आरटिआर राष्ट्रिय पुरुष बास्केटबल प्रतियोगिता २०७४ हुने भएको छ । फागुन ३ देखि ५ गते सम्म पोखरा रंगशालाको बास्केटबल कोर्टमा आयोजना हुने उक्त प्रतियोगिताको सम्पूर्ण तयारी पुरा भएको आयोजकले जनाएको छ ।
कास्की जिल्ला बास्केटबल संघको आयोजनामा हुने दोस्रो पोखराराष्ट्रिय पुरुष बास्केटबल प्रतियोगिता बारे जनाकारी दिंदै संयोजक नारायण प्रसाद शर्माले प्रतियोगितामा ४० वर्ष भन्दा माथीका खेलाडी सहभागिता हुने बताए। संयोजक शर्माले नयाँ खेलाडीलाइ खेल प्रति उत्साह जगाउन पूर्व खेलाडीहरुको प्रतियोगिता आयोजना गरिएको बताए । उनले खेल मार्फत स्वस्थ्य रहन र खेलाडीहरु वीच आपसी मित्रता, सामुहिक भावनाका साथै पोखराको पर्यटन प्रवद्र्धनमा टेवा पु¥याउन उदेस्यले प्रतियोगिता आयोजनागरीएको बताए। प्रतियोगितामा कुल १२ टिमको सहभागिता रहने छ।
पश्चिमाञ्चल क्षेत्रिय खेलकुद बिकास समितीका अध्यक्ष खगराज पौडेलले पूर्व खेलाडीको पर्दशनले नयाँ पुस्ताका खेलाडीमा उत्साह जाग्ने बताए । उनले पोखराको भौतिक पूर्वाधारको विकासमा महत्वपूर्ण रहने पिपिपि मोडलमा स्विमिङ पूल निर्माणका लागि डिपिआर तयार गर्न ढिलाई भएको बताए ।
प्रतियोगितामा काठमाडौ बाट तीन टिम, रुपन्देही, तनहुँ, स्याङजा, पर्वत, धरान जिल्ला बाट एक–एक टिम र आयोजक टिम कास्की बाट ४ वटा टिमको सहभागिता रहनेछ ।
बतास ब्रदर्श प्रालीको मुख्य प्रायोजन र पोखरा लेखनाथ महानगरपालिकाको सह प्रायोजनमा हुने प्रतियोगिता सम्पन्न गर्न ९ लाख ३० हजार खर्च लाग्ने कास्की जिल्ला बास्केटबल संघका अध्यक्ष नेत्र बहादुर सेनले बताए ।
प्रतियोगितामा प्रथम हुने टिमले नगद ५५ हजार ५ सय ५५ र दोस्रो हुनेले ३३ हजार ३ सय ३३ रुपैयाँ नगद, ट्रफी, मेडल र प्रमाणपत्र प्रदान गरिने छ । उत्कृष्ट हुने खेलाडीलाई समेत ट्रफी प्रदान गरिने आयोजकले जानकारी दिएको छ । प्रतियोगिता सम्पन्न गर्न नारायण प्रसाद शर्माको संयोजकत्वमा १५ सदस्यिय आयोजक समिती गठन गरिएको छ ।