शुभेच्छा न्यूज संम्वाददाता
बागलुङ । बागलुङ पञ्चकोट आउने पर्यटकलाई लक्षित गरी केवलकार निर्माण गरिने भएको छ। स्वामी कमलयनयनाचार्यको अगुवाईमा विभिन्न धार्मिक भौतिक संरचनाहरु निर्माण भइरहेको पञ्चकोटमा आउने पर्यटकहरुलाई लक्षित गरी केवलकार निर्माणको प्रक्रिया सुरु गरिएको हो ।
बागलुङका केही व्यवसायीहरुको अगुवाईमा सर्वसिद्धिधाम पञ्चकोट केवलकार प्रा.लि. स्थापना गरी केवलकार निर्माणको प्रक्रिया अगाडि बढाइएको प्रा.लि.का सञ्चालक दयाराम पौडेलले जानकारी दिए ।
बागलुङ सदरमुकामदेखि नजिकै रहेको मालढुङ्गा हुँदै मुस्ताङ यात्रामा निस्कनेहरुको भिडलाई बागलुङमा आकर्षित गर्नका लागि केवलकार निर्माणको प्रक्रिया अगाडि बढाइएको पौडेलको भनाई छ ।
करिब ५० करोड रुपियाँ लागत अनुमान गरिएको उक्त केवलकार निर्माणको प्राविधिक सम्भाव्ता अध्ययन भइसकेपछि कम्पनी दर्ता, विभिन्न मन्त्रालयहरुको अनुमती प्राप्त गरी हाल आफ्नो आशयपत्र बागलुङ नगरपालिकामा पेश गरिएको पौडेलको भनाई छ ।
बागलुङ नगरपालिका वडा नं. ४ स्थित दावगरा नजिकै तल्लो स्टेशन र पञ्चकोटमा माथिल्लो स्टेशन निर्माण गर्ने गरी प्राविधिक सर्वेक्षण गरिएको छ । बागलुङ बजार नजिकै थुप्रै धार्मिक तथा पर्यटकीय स्थलहरु भएपनि आन्तरिक तथा बाह्य पर्यटकहरुलाई आकर्षित गर्न नसकिएकाले यस्तो अभियान सुरु गरिएको सञ्चालक पौडेलले बताए ।
‘हामीले सबै व्यवसायीहरुसँग सरसल्लाह गरेर अगाडि बढेका छौं, बजारमा मानिसको चाप घट्दै जाँदा बजारको व्यवसायमा समेत ठूलो असर गर्ने भएकाले बागलुङ बजारमा मानिसको चाप बृद्धि गर्नका लागि केवलकारको अवधारणा अगाडि बढाइएको हो ।’ पौडेलले भने ।
शुभेच्छा न्यूज संम्वाददाता
बागलुङ । बागलुङ पञ्चकोट आउने पर्यटकलाई लक्षित गरी केवलकार निर्माण गरिने भएको छ। स्वामी कमलयनयनाचार्यको अगुवाईमा विभिन्न धार्मिक भौतिक संरचनाहरु निर्माण भइरहेको पञ्चकोटमा आउने पर्यटकहरुलाई लक्षित गरी केवलकार निर्माणको प्रक्रिया सुरु गरिएको हो ।
बागलुङका केही व्यवसायीहरुको अगुवाईमा सर्वसिद्धिधाम पञ्चकोट केवलकार प्रा.लि. स्थापना गरी केवलकार निर्माणको प्रक्रिया अगाडि बढाइएको प्रा.लि.का सञ्चालक दयाराम पौडेलले जानकारी दिए ।
बागलुङ सदरमुकामदेखि नजिकै रहेको मालढुङ्गा हुँदै मुस्ताङ यात्रामा निस्कनेहरुको भिडलाई बागलुङमा आकर्षित गर्नका लागि केवलकार निर्माणको प्रक्रिया अगाडि बढाइएको पौडेलको भनाई छ ।
करिब ५० करोड रुपियाँ लागत अनुमान गरिएको उक्त केवलकार निर्माणको प्राविधिक सम्भाव्ता अध्ययन भइसकेपछि कम्पनी दर्ता, विभिन्न मन्त्रालयहरुको अनुमती प्राप्त गरी हाल आफ्नो आशयपत्र बागलुङ नगरपालिकामा पेश गरिएको पौडेलको भनाई छ ।
बागलुङ नगरपालिका वडा नं. ४ स्थित दावगरा नजिकै तल्लो स्टेशन र पञ्चकोटमा माथिल्लो स्टेशन निर्माण गर्ने गरी प्राविधिक सर्वेक्षण गरिएको छ । बागलुङ बजार नजिकै थुप्रै धार्मिक तथा पर्यटकीय स्थलहरु भएपनि आन्तरिक तथा बाह्य पर्यटकहरुलाई आकर्षित गर्न नसकिएकाले यस्तो अभियान सुरु गरिएको सञ्चालक पौडेलले बताए ।
‘हामीले सबै व्यवसायीहरुसँग सरसल्लाह गरेर अगाडि बढेका छौं, बजारमा मानिसको चाप घट्दै जाँदा बजारको व्यवसायमा समेत ठूलो असर गर्ने भएकाले बागलुङ बजारमा मानिसको चाप बृद्धि गर्नका लागि केवलकारको अवधारणा अगाडि बढाइएको हो ।’ पौडेलले भने ।
Related