पोखरा म्याराथन सफल पार्न लन्डनमा च्यारिटी कार्यक्रम हुने

शुभेच्छा न्यूज संम्वाददाता
पोखरा। पोखरामा आगामी फागुन ७ गते सञ्चालन हुने १३ औं संस्करणको सफल अन्तर्राष्ट्रिय पोखरा म्याराथनका लागि आवस्यक सहयोग जुटाउन भूतपूर्ब खेलाडी मंच नेपाललले लन्डनमा च्यारिटी कार्यक्रमको आयोजना गर्ने भएकोे छ ।

पोखरेली मंच यूकेले म्याराथनलाई सफल बनाउन यहि मंसिर २८ गते च्यारिटी कर्यक्रम आयोजना गरिएको मंचका अध्यक्ष मान प्रसाद गुरुङले जानकारी दिए। “विदेशमा रहेर पनि आफ्नो जन्मभूमीमा आयोजना हुने कार्यक्रमलाई एकजुट भएर सहयोग जुटाउन च्यारिटी कार्यक्रमको आयोजना गरेका हौं”उनले भने।

“दौडौ स्वास्थ्यका लागि दौडौ पोखराका लागि” भन्ने नाराका साथ भूतपूर्ब खेलाडी मंचले म्याराथन सफल बनाउन आफ्नो आन्तरिक ब्यबस्थापनमा लागेको बेला यूकेमा पनि पोखरेली मंचले म्याराथन सफल बनाउन जुटेको हो । च्यारिटी कार्यक्रममा २ हजार ५ सय जना सहभागीता जनाउने मंचका कोषाध्यक्ष कमल गुरुङले बताए।

पोखरा आएर हालै यूके फर्केका मंचका अध्यक्ष गुरुङ र महासचिब मोहन थापाले भूपू खेलाडी मंचले गरेका विभिन्न कृयाकलापका बारेमा मंचको हालै यूकेमा सम्पन्न बैठकमा जानकारी गराएका थिए । मंचले आयोजनागर्ने च्यारिटी कार्यक्रममा विभिन्न कलाकारहरुले आ–आफ्नो तर्फ बाट साँगेतिक कार्यक्रमहरु समेत प्रस्तुत गर्ने जनाइएको छ ।

च्यारिटी कार्यक्रम सफल बनाउन बेलायतबाट समेत केही खेलाडी सहभागी गराउने उदेस्य रहेको भूपू खेलाडी मंचका अध्यक्ष तेज गुरुङले जनाए। “पोखरेली मंच यूकेले स्वत स्र्फूत रुपमा गरेको यो सहयोग हामी सबैका लागि महत्वपूर्ण हो।, हामी सबै पोखरेली मंच प्रती आभारी छौ” उनले भने ।