पोखरामा कक्षा ११ नतिजा प्रति असन्तुष्टि विद्यार्थी आन्दोलित, ५ वटा विद्यार्थी संघठनले गर्यो समर्थन

शुभेच्छा न्यूज संम्वाददाता
पोखरा / उत्तर पुस्तिका जाँच गर्दा लापारवाहीका कारण ११ कक्षाको रसायनशास्त्र र भौतिकशास्त्र विषयमा नतिजा राम्रो नआएको भन्दै पोखरामा क्रियासिल ५ वटा विद्यार्थी संघठनले कक्षा ११ का विद्यार्थीको आन्दोलनमा सर्मथन गर्दै सोमबार देखी रिले अनसन शुरु गरेका छन् । ।

कक्षा ११ का विद्यार्थीहरुले राखेको माग पुरा नभए पछि आफुहरु समेत आन्दोलनमा आएको अनेरास्ववियु कास्की अध्यक्ष शेखर गौतमले बताए ।उनले विद्यार्थीका मागहरु पुरा नभए सम्म आफुहरु आन्दोनमा निरत्नरता दिने बताए । सोमबार विहान ११ बजे देखी १० जना विद्यार्थीहरु रिले अनसनमा बसेका छन् ।

राष्ट्रिय परीक्षा बोर्डले असोज २० गते प्रकाशन गरेको नतिजामा लापारबाही गरेको भन्दौ कक्षा ११ का विद्यार्थीहरु आन्दोलनमा निरन्तर उत्रेका थिए । नतिजा प्रति असन्तुष्ट जनाउँदै रिटोटलिङ गर्दा रिटोटलिङमा समेत लापारबाही भएको विद्यार्थीले आरोप लगाएका छन् ।

रसायनशास्त्र, भौतिकशास्त्र र गणित विषयको रिटोटलिङ गर्दा रिटोटलिङ नै नगरेको अंग्रेजी विषयमा ग्रेड बढेर नतिजा आएको विद्यार्थीले सुनाए ।परीक्षामा नै सहभागी नभएका विद्यार्थीको रिजल्ट पास भएर आएको तर कलेज टपर लगायतका राम्रा विद्यार्थीको रिजल्ट नै बिग्रेको विद्यार्थीको भनाई छ ।

रिटोटलिङको नतिजा प्रति पनि असन्तुष्ट जनाउँदै विद्यार्थीहरु आन्दोलनमा उत्रेका हुन् । २ हजार ७ सय जना विद्यार्थीको नतिजामा सुधार नआएको विद्यार्थीले बताएका छन् ।

कास्कीका विद्यार्थी नतिजा प्रकाशनको भोलिपल्ट २१ गते देखि नै परीक्षा बोर्ड कार्यालय पोखरा लगायतका शैक्षिक र प्रशासनिक कार्यालयमा धर्ना गर्दै आएका छन् ।