पोखरा १४ नम्बर वडा कार्यालयका २ थान कम्प्युटर चोरी

शुभेच्छा न्यूज संम्वाददाता
पोखरा। पोखरा महानगरपालिकाको १४ नम्बर वडा कार्यालयमा शनिबार चोरी भएको हो । मझेरी पाटनमा रहेको वडा कार्यालयबाट २ थान ब्रान्डेड कम्प्युटर चोरी भएको छ ।

चोरी भएको सामानको मूल्य करिब १ लाख ५० हजार रुपैयाँ बराबर रहेको वडा कार्यालयका सचिव अर्जुन पौडेलले जानकारी दिए ।शनिबार कार्यालय बन्द रहेको मौका पारी चोरले कार्यालयको ढोकामा लगाएको ताला फोडी सामानहरु लिएर गएको पौडेलले जानकारी दिए ।

बिहान कार्यालय सहयोगीले कार्यालय खोल्ने क्रममा चाबी फोडिएको देखेपछि चोरी भएको पत्ता लागेको हो । कार्यालयले आइपिटी सेवा भर्खरै मात्र सुरू गरेको र राजश्व उठाउन सुरू भएको हुँदा पैसाको लागि चोरी भएको हुन सक्ने शंका गरिएको छ ।

चोरी गर्ने गिरोहको खोजी भइरहेको प्रहरीले जनाएको छ ।
samacharpati