पोखरा विश्वविद्यालय प्रशासनलाई विद्यार्थी यूनियनको एक हप्ते अल्टिमेटम

शुभेच्छा न्यूज संम्वाददाता
पोखरा /स्वतन्त्र विद्यार्थी यूनियन पोखरा विश्वविद्यालयले आफ्ना मागहरुलाई वेबस्ता गरेको भन्दै विश्वविद्यालय प्रशासनलाई एक हप्ते अल्टिमेटम दिएको छ ।

विगत ९ महिना देखी बिभिन्न चरणमा गरिएका मागहरु प्रति प्रशासनले चासो नदिएको भन्दै एक हप्ते अल्टिमेट दिइएको हो स्वबियु सभापति सुनिल तिमिल्सिनाले भने ।

उनले एक हप्ता भित्रमा मागहरु सम्बोधन नगरिए कडा आन्दोलन गर्ने चेतावनी दिए । प्रत्येक प्रदेशमा एक एक आंगिक क्याम्पस खोलिनुपर्ने , विश्वविधालय भित्र बैकिंङ सुविधा व्यबस्थापन गरिनुपर्ने , प्रत्येक संकायको आफ्नै परिक्षा नियन्त्रक तोकिनुपर्ने ,विधार्थीहले रिचेकिङ गर्न पाउनुपर्ने जस्ता मागहरुलाई स्वबियुले प्रशासन समक्ष राखेको छ ।

‘हामिले बिभिन्न चरणमा मागहरु राख्दै आएका छौं हाम्रा मागहरु विश्वबिधालय र बिधार्थीको हितमा छ’ सभापति तिमिल्सिनाले भने, ‘प्रशासन गम्भिर देखिएन, हाम्रो मागलाई सम्बोधन हुने उचित वातावरण बनेन भने कडा आन्दोलन गर्न बाध्य हुनेछौं ’ ।