नेताहरुको उदासिनताले ‘शहिद स्मृति बहुउद्देश्यीय भवन सपना मात्रै’

कृष्ण अन्जान ज्ञवाली
पोखरा । एउटा पाखोमा सम्माइएको जग्गा छ। त्यहि जग्गामा खुइलिएको एउटा साइनवोर्ड ।मेटिन थालेको बोर्डमा धमिलो आकृतिमा लेखिएको छ शहिद स्मृति बहुउद्देश्यीय भवन निर्माणस्थल ।

यो त्यहि ठाउमा शहिद स्मृति बहुउद्देश्यीय भवनको शिलान्यास २०७२ सालमा पोखरा महानगरपालिका बडा न १९को ठूलिपोखरीमा पुर्व अर्थ मन्त्रि तथा वर्तमान उर्जा मन्त्री बर्षमान पुन ,क्षेत्र न २ का तत्कालिन साँसद राजकाजी गुरुँग तथा तत्कालीन सभासद तेज कुमारी पौडेलले शहिद परिवार र स्थानीयको रोहोवरमा गरेका थिए।

तर समयले शहिदलाइ विर्सिदै जाँदा यो भवनको सम्झना कसैलाइ भएन ।‘जनयुद्धमा सहादत प्राप्त गर्ने लामाचौरका तीन होनहार शहिद दामोदर गौतम ,दुर्गा पौडेल र रिता नेपालीको स्मृतिलाइ जीवन्त राख्न यो भवन बनाउने प्रयास गरिएपनि राज्य सन्चालन गर्ने नेताको उदासिनताका कारण भवन निर्माण सपना बन्यो’ लामाचौरका समाजसेवि युवा सविन जिसीले भने ।

एनेकपा माओवादीका तर्फ तत्कालिन स्थानिय विकास मन्त्री हितराज पाण्डेलाइ स्वकिय सचिव सुमन गिरी मार्फत शहिद स्मृति भवनको निर्माणका लागि बजेट माग गरेको जिसीले बताए । तर, जहाँ हार गुहार गरे पनि कसैले सहयोग गरेन । यो शहिद स्मृति बहुउद्देश्यीय भवन बन्न सकेन जिसीले भने।

मुलुकमा गणतन्त्र स्थापनामा शहिदको योगदान अमूल्य रह्यो ।राज्य सन्चालनमा तिनै शहिदलाइ भर्याङ्ग बनाइयो तर तिनै शहिदलाइ स्मरण गर्न नेतृत्व तयार छैन । सस्तो सपना बाँडेर सत्तामा जाने खेल अझै जारी छ तर शहिदका सपनाको कुनै मूल्य छैन ।

‘फेरि पनि स्थानिय प्रदेश र संघमा बहुमतको सरकार छ, हाम्रो आशा अझै मरेको छैन, नेतृत्वको इच्छाशक्ति भए शहिद स्मृति बहुउद्देश्यीय भवन निर्माणमा पहल हुने छ’भवन निर्माण समितिका अध्यक्ष समेत रहेका सविन जिसीले भने।