आफै कार हाँकेर विन्ध्यावासिनी दर्शन गर्न पुगे पूर्व राजा ज्ञानेन्द्र

शुभेच्छा न्यूज संम्वाददाता
पोखरा । दुई साता लामो निजी भ्रमणको लागि पोखरामा रहेका पूर्वराजा ज्ञानेन्द्र शाहले अज विन्ध्यावासिनी मन्दिरमा पुजा अर्चना गरेका छन्। उनको निजी भ्रमण भएका कारण औपचारिक कार्यक्रम तालिका सार्वजनिक नगरिकनै विभिन्न कार्यक्रमहरुमा सहभागी भैरहेका छन् ।

भ्रमणकै पहिलो दिन गतहप्ता उनलाई पोखरा विमानस्थलमा बाजा गाजा सहित सर्वसाधारणले भब्य स्वाग गरेका थिए।पूर्वराजा शाह शनिवार आफैले कारचलाएर पोखराको विन्ध्यावासीनी मन्दीरमा पुगेर पुजाआजा गरेका छन्।

अघिपछि प्रहरीको स्कर्टिङमा उनले आफैले कार हाँकेर मन्दीर पुगेका थिए। ‘सरकारले कहिलेकाहीँ आफै चलाउनुहुन्छ । पोखरामा पनि दर्शन गर्न जाँदा आँफैले गाडी हाँक्नुभयो, शिवसेना नेपालका अध्यक्ष अनिल बस्नेतले भने।