स्थानियका गुनाशा सुन्न सार्वजनिक सुनुवाई गर्दै पर्वत प्रहरी गाउँगउँमा,शान्तिसुरक्षाका बिषयमा कुनै सम्झौता नगर्ने प्रनाउ तिवारीलेको आशअस्वान

शुभेच्छा न्यूज संम्वाददाता
पर्वत / पर्वतको जलजला गाउँपालिका–३ बेनीमा विहिबार सार्वजनिक सुनुवाई कार्यक्रम सम्पन्न भएको छ । जिल्ला प्रहरी कार्यालय पर्वतको आयोजना तथा जलजला उद्योग बाणिज्य संघको सह आयोजनामा सार्वजनिक सुनुवाई कार्यक्रम गरिएको हो ।

शान्तिसुरक्षा र प्रहरी गतिविधिका वारेमा गुनासो सुन्न,स्थानिय शान्ति सुरक्षा र लागु औषध दुव्र्यसनी नियन्त्रण तथा विभिन्न प्रहरी योजनाहरु जनस्तरमा जानकारी दिने उद्देश्यले सार्वजनिक सुनुवाई कार्यक्रमको आयोजना गरिएको हो ।

सार्वजनिक सुनुवाई कार्यक्रममा पर्वत बेनीका स्थानीयहरुले भरपर्दो शान्तिसुरक्षाको व्यवस्थाका लागि माग गरेका छन् ।जिल्ला प्रहरी कार्यालय म्याग्दीले लागूऔषध नियन्त्रणका लागि कडाई गरेपछि पछिल्लो समय पर्वत बेनीमा लागूऔषधका गतिविधिहरु बढेको र नियन्त्रणका लागि प्रहरीको सक्रियता बढाउनुपर्नेमा स्थानीयवासीहरुले जोड दिएका थिए ।

राजमार्ग नजिक भएकाले शान्ति सुरक्षालाई मजबुद बनाउन बगरफाँटमा अस्थाई प्रहरी चौकी स्थापना गर्न र वारीबेनी प्रहरी चौकीमा प्रहरी निरिक्षकको संख्या थप गरि सुरक्षाकर्मीको संख्या बढाउन माग गरेका थिए ।स्थानीयहरुले बसपार्कलाई पुनःसंचालनमा ल्याउन र ट्राफिक गतिबिधिलाई कडाई गर्न माग गरेका छन् ।

कालिगण्डकी नदिबाट उच्च जोखिम रहेकाले बजार संरक्षणका लागि पहल गरिदिन स्थानीयवासीहरुले जिल्ला प्रशासनलाई अनुरोध समेत गरेका थिए ।कार्यक्रममा स्थानियले उठाएको चासो, गुनासो र प्रश्नलाई सम्बोधन गर्दै प्रनाउ तिवारीले शान्ति सुरक्षालाई मजबुद बनाउन आफुहरु प्रयासरत रहेको बताए ।उनले स्थानीयवासीहरुले उठाएका गुनासा र समस्याका वारेमा प्रहरी प्रशासन गम्भिर भएको बताए ।

उनले शान्ति सुरक्षालाई मजबुद बनाउनका लागि प्रहरीले विभिन्न कार्यक्रम सहित निरन्तर लागिपरेको बताउदै स्थानियवासीहरुले पनि सूचना प्रवाह गरि साथ दिन आग्रह गरे ।

प्रमुख अतिथि प्रमुख जिल्ला अधिकारी गुरुदत्त ढकालले विपद् व्यवस्थापनको लागि जिल्ला प्रशासन कार्यालय प्रतिबद्ध रहेको बताए । प्रजिअ ढकालले समाजमा शान्तिसुरक्षा कायम गर्न प्रशासनले कुनै कसर बाँकी नराख्ने बताए ।