लामाचौरमा सूर्य पुराण धनुर्मास विश्व शान्ति ज्ञान महायज्ञ शुरु

कृष्ण अन्जान ज्ञवाली
पोखरा / पोखरा महानगर पालिका वडानँ १९लामाचौरमा आजदेखि श्रीमद सूर्य पुराण धनुर्मास विश्व शान्ति ज्ञान महायज्ञ शुरु भएको छ ।ॐशिवशक्ति कल्याणी केन्द्र पोखरा शाखाले आयोजना गरेको यो महायज्ञ केन्द्रको लामाचौर उपशाखामा शुरु भएको हो।

यसक्षेत्रका हजारौँ जनसमुदायहरुको सँलग्नतामा विशाल कलश यात्रा आयोजना गरियो।महायज्ञ स्थल देखि बाजा गाजा भजन किर्तन सहित नाचगान गर्दै हजारौ जनसमुदाय आमा समूह तथा धार्मिक सँघ सँगठन सम्बद्ध धार्मिक व्यक्तित्व धर्म गुरुहरुले लामाचौर चोक र ऐतिहासिक ठुलि पोखरीको जलेश्वर महादेवको परिक्रमा गर्दै महायज्ञ स्थलमा पुगेका थिए ।

महायज्ञमा पृतिदोष,ग्रहदोष,कालसर्प दोष ,प्रारब्धवाट प्राप्त दुख निवारण गरि सम्पुर्ण घरपरिवारमा आरोग्यता शुख शान्ति समृद्धिको कामना समेत गरिने कथाबाचक कृष्ण प्रसाद गुराँगाइले बताए ।

महायज्ञबाट सँकलित रकमले कल्याणी केन्द्रले सन्चालन गरेको दिन दुखि गरिव असहाय अनाथ बालबालिका हरुको लालन पालन शिक्षाका लागि कोष सन्चालन गर्ने सँयोजक पुष्पा केसी भण्डारीले बताइन ।

पौष २९ गते सम्म चल्ने यो महायज्ञ दैनिक प्रबचनका अतिरिक्त हवन अन्य पुजा विधि समेत हुने र साँझ सँकिर्तन पनि हुने बताइएको छ ।