पर्वतका पौडेल बने वित्त आयोगको अध्यक्ष

शुभेच्छा न्यूज संम्वाददाता
पोखरा / राष्ट्रिय प्राकृतिक स्रोत तथा वित्त आयोगको अध्यक्षमा संवैधानिक परिषद्ले पर्वतका बालानन्द पौडेललाई सिफारिस गरेको छ ।आइतबार बसेको संवैधानिक परिषद्को बैठकले पूर्वसचिव पौडेललाई वित्त आयोगको अध्यक्षमा सिफारिस गरेको हो ।

प्रदेशहरुले धेरै पहिलेदेखि वित्त आयोग गठनको माग गर्दै आएका थिए । सरकारले पुस मसान्तभित्र आयोग गठन गर्ने वचन दिएको थियो ।

तर एक हप्ता ढिला गरी आयोगको अध्यक्ष सिफारिस गरिएकाे हो । सरकारले आयोगमा यसअघि नै सचिव तोके पनि पदाधिकारी नियुक्त नहुँदा काम गर्न सकेको थिएन ।