स्याङ्जामा गुडिरहेको ट्रकमाथि ढुङ्गा खस्दा चालकको मृत्यु

शुभेच्छा न्यूज संम्वाददाता
पोखरा /स्याङ्जाको वालिङ नगरपालिका १३ सिद्धार्थ राजमार्ग अन्र्तगत गाहाखोला नजिकै गुडिरहेको ट्रकमाथि अचानक ढुङ्गा खस्दा चालकको मृत्यु भएको छ ।

वालिङबाट बुटवलतर्फ जाँदै गरेको ग १ क ३७७२ नम्बरको ट्रकमाथि भीरबाट खसेको ढुंगाले लाग्दा चालक पुतलीबजार नगरपालिका ३ का २८ वर्षीय प्रेम शर्माको मृत्यु भएको वडा प्रहरी जिल्ला प्रहरी कार्यालयका प्रहरी नायव उपरिक्षक एवं सुचना अधिकृत प्रकाश विष्टले बताए।

ढुङ्गाले खस्दा घाईते भएका शर्माको गह्रौ घ्याङलीङ प्राथामिक स्वास्थ्य केन्द्रमा उपचारको क्रममा मृत्यु भएको आचार्यले बताए। चालक सहित ३ जना सवा रहेको ट्रकमा अन्य २ जना भने सकुसल रहेको प्रहरीले जनाएको छ । पुतलीबजार २ का १७ वर्षीय राजकुमार पौडेल र अर्जुनचौपारी गाउँपालिका १ का २२ वर्षीय राजन बिक भने सकुसल रहेका छन्।