अनेरास्ववियुका महासचिव महरले गगनलाई मुठभेडका लागि त्रिचन्द्र आउन दिए निम्तो

शुभेच्छा न्यूज संम्वाददाता
काठमाडाैं । अनेरास्ववियुका महासचिव ऐन महरले नेपाली काँग्रेसका युवा नेता गगन थापालाई मुठभेड गर्नका लागि त्रिचन्द्र कलेजमा आउन निम्तो दिएका छन् ।शुक्रबार सामाजिक सञ्जाल फेसबुक मार्फत गगन थापालाई मुठभेडका लागि त्रिचन्द्र कलेजमा आउन चुनौती दिएका हुन् ।

महरले फेसबुकमा लेखेका छन्, ‘माननीय गगन थापालाई अनुरोध गर्न चाहन्छु- संसद मुठभेड गर्ने थलो होइन । तपार्इको नानीदेखिको बानी नै हो मुठभेड रुचाउने । तपाईँलाई अहिले पनि मुठभेड गर्ने चाहना छ र हिम्मत छ भने त्रिचन्द्र क्याम्पसमा स्वागत छ । अनेरास्ववियुका कार्यकर्ता र त्रिचन्द्र क्याम्पसका विद्यार्थी तपाइलाई स्वागत गर्न आतुर छन्, २०५५ सालमा तपाईँ स्ववियु सभापति भएको क्याम्पसमै ।’

उनले त्रिचन्द्र कलेजको पार्क निर्माणमा भएको बेरुजु फस्र्योट गर्नसमेत नेता थापालाई अनुरोध गरेका छन् । उनले भनेका छन्, ‘आजभन्दा १८ वर्ष अगाडिको त्यो गार्डेन जम्मा ११ लाखमा सम्पन्न भएको थियो । र, डलर भाउ ७५ नेपाली थियो । बाँकी ६४ लाख तपाईसँग अशुल्नु पर्ने नै छ । क्याम्पसको बेरुजुको पनि फस्र्योट गर्नुहोला ।’

साथै उनले त्रिचन्द्र क्याम्पसका पूर्व स्ववियु सभापति, नेवि सङ्घका पूर्व महामन्त्री थापा लोकतन्त्रको गीत गाएर नथाक्ने बताए । उनले भनेका छन्, ‘त्रिचन्द्र क्याम्पसका पूर्व स्ववियु सभापति, नेवि सङ्घका पूर्व महामन्त्री माननीय गगन थापाले जो लोकतन्त्रको गीत गाएर थाक्दैनन् संसद्मा मुठभेड गर्ने दादागिरी चलाउने भन्नू भएछ ।’sorce news24