नेकपाले सम्झियो कम्युनिष्ट आन्दोलन र उर्जावान ब्याक्तीत्व

कृष्ण अन्जान ज्ञवाली
पोखरा । नेपाली वाम आन्दोलनको वीरासत जोगाउएको पोखरा लामाचौरको यो घर आजभोलि बिरानो मात्रै बनेको छैन ।बाम आन्दोलामा लाग्नेहरुलाई आश्रय र उर्जा प्रदान गर्ने घर मुली गोविन्द प्रसाद गौतमको मृत्युको शोकले सन्नाटा छाएको छ।

जतिवेला नेपालका कम्युनिष्ट नेताहरु भुमिगत राजनीति गर्दै्थिए त्यतिबेला लामाचौरका गोविन्द गौतमको यो घर कम्युनिष्टको सेल्टर मात्र होइन वाम आन्दोलनका रणनीति तय गर्ने स्थल र आन्दोलमा उर्जा छर्ने माध्यम बन्यो।

२०३६ साल देखि ४६ साल सम्मका आन्दोलनको रणनीति पनि यतै बन्ने गरेको स्थानिय वाबुराम गौतमलाइ सम्झना छ ।एउटा कालखण्डमा नेपाली कम्युनिष्ट आन्दोलनका हस्तीहरु बामदेव गौतम ,त्रिलोचन ढकाल ,जिवराज आश्रित ,सोमनाथ अधिकारी प्यासी ,शिवजी कोइराला लगायतका नेताहरुको सेल्टर बनेको नेकपाका बर्तमान स्थायि समिति सदस्य सोमनाथ अधिकारी प्यासी बताउँछन ।

अब ति गोविन्द प्रसाद गौतम हामी माझ छैनन ।यहि माघ १४ गते उनको देहावसान भयो तर वाम आन्दोलनका नेता हरुको मानसपटल र सम्झनामा यो घरसंगै गोविन्द प्रसाद गौतम आइरहे ।

नेकपा लामाचौरको संयन्त्रले स्वार्गिय गौतमको शोक मनाउन आयोजना गरेको कार्यक्रममा नेकपा स्थायी समितिका सदस्यलाई उपस्थित गराएर गौतम र उनको घरले वाम आन्दोलनलाइ पुर्याएको योगदानको चिरस्मरण गराइयो ।

नेकपा कास्कीका सदस्यहरु दिपक पौडेल, इमान राज पौडेल ,नारायण वास्तोला ,बलराम पौडेल ,लगाएतको उपस्थितिमा गोविन्द गौतम प्रति श्रद्धाञ्जली सभाको आयोजना गरेर नेकपाको लामाचौर सँयन्त्रले गौतम प्रति सम्मान सँगै उनले पुर्याएको योगदानको चर्चा समेत गरेको छ ।

हामिले इतिहासलाई जीवन्त बनाउँदै विगतले वर्तमानलाई डोर्याएको अनुभुति दिलाउने प्रयास गरेका छौ,कम्युनिस्ट आन्दोलनलाई सेल्टर दिने गौतम जस्ता सहायोगी प्रति हामीले सच्चा श्रद्धाञ्जली दिनका लागि यो शोकसभाको आयोजना गरेका हौ, नेकपा लामाचौरका युव नेता विष्णुप्रसाद गौतमले भने ।