पोखराबाट पक्राउ गरीएका ४ बिद्यार्थी नेता रिहा

शुभेच्छा न्यूज संम्वाददाता
पोखरा । मुख्य मन्त्रीको कार्यलय सहित अन्य दुई सरकारी कार्यलयका गााडीको चाँवी नियन्त्रणमा लिएको आरोपमा आज पक्राउ गरिएका नेपाल विद्यार्थी संघका ४ जना विद्यार्थी नेतालाई प्रहरीले रिहाई गरेको छ।

नेबिसंघको गण्डकी प्रदेशमा सरकारी नम्वरप्लेटका गाडी चल्न नदिन कार्यक्रम अन्तरगत सरकारी गाडीको चावी नियन्त्रणमा लिएका आरोपमा उनीहरुलाई वडा प्रहरी कार्यालय वैदामले मंगलबार पक्राउ गरेको थियो ।

नेवि संघका केन्द्रीय सदस्य भानु ढकाल, विद्यार्थी नेताहरु विधान लामिछाने, गोविन्द नेपाली र सागर सापकोटालाई चिप्लेढुंगाबाट बैदाम प्रहरीले नियन्त्रणमा लिएको थियो।

मुख्यमन्त्री कार्यालयको गाडीका चावि नियन्त्रणमा लिएको आरोपमा उनीहरुलाई पक्राउ गरिएको र अब, आइन्दा यास्ता कार्य नगर्ने सर्तमा सम्झाइ बुझाइ उनीहरुलाई छाडीएको डिएसपी नबिन कार्कीले बताए।

सार्वजनिक विदाका दिन सरकारी गाडी चलाएको भन्दै नेविसंघले माघ १९ गते पोखरा महागरपालिकाको शिक्षा शाखाको गाडी जलाएको आरोपमा नेविसंघका ५ जनालाई प्रहरीले पक्राउ गरेको थियो ।

पक्राउ परेकामध्ये २ जना छुटिसकेका छन् भने बाँकी ३ जनालाई मुद्धा चलाईएको छ । हिरासतमा रहेका परशुराम बस्नेत, डिफान भुजेल र विनय पौडेलको रिहाई माग गर्दै नेविसंघले सरकारी गडी चलाउन नदिने घोषित आन्दोलन अन्तर्रगत पोखराबाट बिद्यार्थीले ३ वटा गाडीको चाबी नियन्त्रमा लिएका हुन्।

नेविसंघ केन्द्रिय सदस्य भानु ढकालको नेतृत्वमा गएको टोलिले आज मुख्यमन्त्री कार्यालय सहित तीनवटा सरकारी गाडी नियन्त्रणमा लिएका थिए।मुख्यमन्त्री कार्यालयको बा २ झ १३६३ र जिल्ला अदालत कास्कीको बा १ झ ८१५९ नम्बरको गाडी नियन्त्रणमा लिएका हुन् । त्यसैगरी विद्युत कार्यालयको बा १ झ १७० नम्बरको गाडी पनि नियन्त्रणमा लिएका थिए।

नेवि सघले विद्यार्थी नेताको रिहाइको माग गर्दै गण्डकी प्रदेशमा कुनै पनि सेतो प्लेटको गाडी चल्न नदिने घोषण अनुसार चावि नियन्त्रणमा लिएका थिए ।