पोखरा अर्मलमा माघ २७ गते १० किमी पर्वतीय दौड हुदै

शु्भेच्छा न्यूज संम्वाददाता
पोखरा ।यही माघ २७ गते पोखराको वडा नं १६ अर्मलामा १० किलोमिटर पर्वतिय दौडसंगै पुरुष भलिबल र परम्परागत छेलो हान्ने खेलको प्रतियोगिता हुने भएको छ।सोही दिन अर्मलाको होमस्टेको पनि बिधिवत शुभारम्भ गरिदैछ।

अर्मलाको खेपना प्रतिष्ठानलाई होम स्टेको रुपमा अगाडी बढाइएको स्थानिय दुर्गा यूवा क्लबले जनाएको छ । श्री पंचमीको अबसरको आयोजनामा हुने ति प्रतियोगिताहरु मध्ये छैटौ पटक आयोजना हुने १० किलोमिटर पर्वतिय दौड पोखराको बाटुलेचौर बाट शुरु भएर अर्मला कोटमा पुगेर सम्पन्न हुने क्लबका अध्यक्ष गंगा बहादुर गुरुङले जानकारी दिए।

गुरुङका अनुसार दौड प्रतियोगितामा प्रथम, द्वितिय र तृतिय हुनेले क्रमश नगद १५, १० र ५ हजारका साथमा पदक तथा प्रमाणपत्र प्राप्त गर्ने छन ।

पुरुष भलिबल प्रतियोगितामा प्रथम हुनेले विजेताले ३५ हजार र द्वितियले २५ हजार रनिङ कप, पदकतथा प्रमाणपत्र पाउने छन। १६ वर्ष भन्दा माथि छेलो प्रतियोगितामा प्रथम हुनेले नगद रु ३ हजारका साथमा भाङग्रा, फेता र प्रमाण पत्र र द्वितियले नगद १ हजारका साथमा प्रमाणपत्र पाउने क्लबले जनाएको छ । १६ वर्ष भन्दा मुनीकाले क्रमश नगद १ हजार र ५ सय पुरस्कार हात पार्ने छन्।

उक्त पुरुस्कारको प्रायोजन अर्मलाकोट यूके परिवारको मुख्य प्रायोजन र सहप्रायोगन अर्मला विकास मञ्चले गर्न लागेको हो।