मनकामना केबलकार पोखरा कप वर्षाका कारण स्थगित

शु्भेच्छा न्यूज संम्वाददाता
पोखरा । पोखरामा जारी मनकामना केबलकार पोखरा कप २०७५ अन्तर्गत आज (विहिबार) हुने खेल स्थगित भएको छ । विहानै देखि पानी परेकोले प्रतिकुल मौसमका कारण आज हुने भनिएको पहिलो सेमिफाईनल खेल स्थगीत भएको हो ।

बिहीबार विभागिय टोली सशस्त्र प्रहरी बलको एपिएफ विरुद्ध जापानको रिस्सो युनिभर्सिटी बिच पहिलो सेमिफाईनल खेल हुने थियो । स्थगीत भएको खेल शुक्रबार हुने बताईएको छ । यद्यपी निरन्तर पानी परेको खण्डमा अबस्था हेरी एन्फा कास्कीले कुन खेल कहिले खेलाउने निर्णय गर्ने छ । लिगको छैटों स्थानमा रहेको नेपाल पुलिस क्लबलाई १–० ले पराजित गर्दै पहुना टोली जापानको रिस्सो युनिभर्सिटी सेमिफाईनलमा यात्रा बनाएको हो ।

यस्तै विभागिय टोली सशस्त्र प्रहरी वलको एपिएफले पनि प्रतिद्धन्दी थ्रि–स्टार लाई १–० ले पराजित गर्दै सेमिफाईनलमा यात्रा तय गरेको हो । दोस्रो सेमिफाईनल खेल अन्तर्गत डिफेन्डिङ च्याम्पियन मनाङ मस्र्याङदी क्लब बिरुद्ध पाहुना टोली क्यामरुनको डफिन्स टिम फेमलीसंग दोश्रो सेमिफाईनल खेलमा प्रतिस्पर्धा गर्ने भएको छ ।